ପରିବାର ଲୋକଙ୍କ କଥାରେ ଆଘାତ ପାଇ ଆତ୍ମହତ୍ୟା କଲେ କରୋନା ରୋଗୀ

0
104

ଛେଣ୍ଡିପଦା: କରୋନା ଯୋଗୁଁ  ହଜିଯାଉଛି ମାନବିକତା। କରୋନା ରୋଗୀଙ୍କୁ ଆଶ୍ୱାସନା ଓ ସାହାଯ୍ୟ କରିବା ବଦଳରେ ତାଙ୍କୁ ଦିଆଯାଉଛି ମାନସିକ ନିର୍ଯାତନା। କରୋନା ମହାମାରୀ ମାନବିକତା କୁ ସାଙ୍ଘାତିକ ଭାବେ ଧଂସ୍ୱ କରିସାରିଲାଣି  । ନିଜ ପରିବାର ସଦସ୍ୟ ମଧ୍ୟ ମାନସିକ ନିର୍ଯାତନା ଦେବାରେ ପଛାଉ ନାହାନ୍ତି ଏଭଳି ଏକ ଘଟଣା ଘଟିଛି ଅନୁଗୋଳ ଜିଲ୍ଲା ଛେଣ୍ଡିପଦା ଅଞ୍ଚଳରେ।

ଛେଣ୍ଡିପଦା ସାପୋଇନାଳି ଗାଁର ଜଗବନ୍ଧୁ ବାଘ (70ବର୍ଷ) କରୋନାରେ ଆକ୍ରାନ୍ତ ହୋଇଥିଲେ। ଏହାକୁ ନେଇ ତାଙ୍କ ପରିବାର ମଧ୍ୟରେ ଅସନ୍ତୋଷ ଦେଖଦେବା ସହ ଜଗବନ୍ଧୁଙ୍କୁ ପରିବାର ଲୋକେ ନାନା କଥା କହିଥିଲେ। ଯାହାକୁ ନେଇ ସେ ମାନସିକ ଭାବେ ଭାଙ୍ଗି ପଡ଼ିଥିଲେ। ଶେଷରେ ଜଗବନ୍ଧୁ ପରିବାର ଲୋକଙ୍କ କଥାରେ ଆଘାତ ପାଇ ଆତ୍ମହତ୍ୟା କରିଥିବା ନେଇ ଅଭିଯୋଗ ହୋଇଛି।

ଘର ପାଖରୁ ପ୍ରାୟ ୪କିଲୋମିଟର ଦୂର ଏକ ଗଛରେ ରଶି ଲଗାଇ ଆତ୍ମହତ୍ୟା କରିଥିବା ଜଣାପଡ଼ିଛି । ଘଟଣା ବିଷୟରେ ଅବଗତ ହୋଇ ଛେଣ୍ଡିପଦା ପୋଲିସ ଓ ପ୍ରଶାସନିକ ଅଧିକାରୀ ପହଞ୍ଚି ଘଟଣାର ଅଧିକ ତଦନ୍ତ ଜାରି ରଖିଛନ୍ତି। ପ୍ରାଥମିକ ତଦନ୍ତରୁ ଜଗବନ୍ଧୁ କରୋନା ଆକ୍ରାନ୍ତ ହୋଇଥିବାବେଳେ ଏହାକୁ ନେଇ ପରିବାର ଲୋକଙ୍କ କଟୁକଥା ସହ୍ୟ କରିନପାରି ଆତ୍ମହତ୍ୟା କରିଥିବା ଜଣାପଡୁଥିବା ନେଇ ସୂଚନା ଦେଇଛନ୍ତି ଛେଣ୍ଡିପଦା ଅତିରିକ୍ତ ତହସିଲଦାର।

LEAVE A REPLY

Please enter your comment!
Please enter your name here