କ୍ରାଶ ହେଲା ବାୟୁସେନାର ଯୁଦ୍ଧ ବିମାନ ମିଗ-୨୧

0
18

ନୂଆଦିଲ୍ଲୀ: ଭାରତୀୟ ବାୟୁସେନାର ଯୁଦ୍ଧ ବିମାନ ମିଗ-୨୧ ଗୁରୁବାର ବିଳମ୍ବିତ ରାତିରେ ଦୁର୍ଘଟଣା ଗ୍ରସ୍ତ ହୋଇଛି। ପଞ୍ଜାବର ମୋଗା ଅଞ୍ଚଳରେ ରୁଟିନ କାମରେ ନିୟୋଜିତ ଥିବା ବିମାନଟି ହଠାତ୍‌ କ୍ରାଶ ହୋଇଯାଇଥିବା ଜଣାପଡ଼ିଛି। ଏନେଇ ଏଏନ୍‌ଆଇ ଖବର ପ୍ରକାଶ କରିଛି।

ବାୟୁସେନା କେବଳ ରୁଟିନ୍‌ ପ୍ରଶିକ୍ଷଣ କରୁଥିବା ବେଳେ ମିଗ୍‌ -୨୧ ଯୁଦ୍ଧ ବିମାନ ଦୁର୍ଘଟଣା ଗ୍ରସ୍ତ ହୋଇଥିବା କହଛି। ଏଥିସହ ଘଟଣାରେ ଜଣେ ପାଲଟଙ୍କ ମୃତ୍ୟୁ ଘଟିଛି। ମିଗ-୨୧ ଲଢ଼ୁଆ ବିମାନ କେମିତି ଦୁର୍ଘଟଣାଗ୍ରସ୍ତ ହେଲା, ତା’ର କାରଣ ଜାଣିବା ପାଇଁ ବାୟୁସେନା ପକ୍ଷରୁ ତଦନ୍ତ ନିର୍ଦ୍ଦେଶ ଦିଆଯାଇଛି।

ସୂଚନା ଅନୁସାରେ ପଞ୍ଜାବରେ ଥିବା ଏୟାରବେସ୍‌ରୁ ମିଗ୍-୨୧ ବିମାନ ରୁଟିନ ପ୍ରଶିକ୍ଷଣରେ ବାହାରିଥିଲା। ଉଡ଼ାଣର କିଛି ସମୟ ପରେ ହଠାତ୍‌ ଏଥିରେ ଯାନ୍ତ୍ରିକ ତ୍ରୁଟି ଦେଖିବାକୁ ମିଳିଥିଲା। ଏହି କାରଣରୁ ପାଲଇଟ ବିମାନକୁ ଅବତରଣ କରିବାକୁ ଚାହିଁଥିଲେ। କିନ୍ତୁ ସୁରକ୍ଷିତ ଅବତରଣ ପୂର୍ବରୁ ହିଁ ବିମାନଟି ମୋଗା ନିକଟସ୍ଥ ଗୋଟିଏ ଗାଁ ନିକଟରେ ଖସି ପଡ଼ିଥିଲା।

ଦୁର୍ଘଟଣା ଏତେ ଭୟଙ୍କର ଥିଲା ଯେ ଯୁଦ୍ଧ ବିମାନରେ ନିଆଁ ଲାଗି ଯାଇଥିଲା। ଫଳରେ ଏହା ମଧ୍ୟରେ ଥିବା ଜଣେ ପାଇଲଟ ପ୍ରାଣ ହରାଇଥିବା କୁହାଯାଉଛି।

LEAVE A REPLY

Please enter your comment!
Please enter your name here