କ୍ରିକେଟରଙ୍କ ପାଇଁ ବଡ଼ ଘୋଷଣା କଲା ବିସିସିଆଇ

0 47

ନୂଆଦିଲ୍ଲୀ: ଭାରତର ଘରୋଇ କ୍ରିକେଟରଙ୍କ ପାଇଁ ଖୁସି ଖବର । ଭାରତୀୟ କ୍ରିକେଟ୍ କଣ୍ଟ୍ରୋଲ୍ ବୋର୍ଡ (ବିସିସିଆଇ) ଘରୋଇ ସିଜନ୍ ପାଇଁ ଘୋଷଣା କରିଛି । ନୂଆ ସିଜନ୍ ମହିଳା ଦିନିକିଆ ଟୁର୍ଣ୍ଣାମେଣ୍ଟରୁ ଆରମ୍ଭ ହେବ ଏବଂ ପରେ ସୟଦ ମୁସ୍ତାକ ଅଲୀ ଟ୍ରଫିର ଆୟୋଜନ ମଧ୍ୟ କରାଯିବ । ତେବେ ସବୁଠାରୁ ବଡ଼ ଖବର ହେଉଛି ଯେ ରଣଜୀ ଟ୍ରଫି ବର୍ଷକ ବ୍ୟବଧାନ ପରେ ଆୟୋଜନ ହେବ ।

ଗତ ବର୍ଷ କରୋନାଭାଇରସ୍ ମହାମାରୀ କାରଣରୁ ଦେଶର ସର୍ବୋଚ୍ଚ ଫ୍ଲଷ୍ଟ କ୍ଲାସ୍ ଟୁର୍ଣ୍ଣାମେଣ୍ଟ ପୁଣିଥରେ ଫେରିବ । ୩୮ ଟିମକୁ ନେଇ ଏହି ଟୁର୍ଣ୍ଣାମେଣ୍ଟ ନଭେମ୍ବର ୧୬ ତାରିଖରୁ ଆରମ୍ଭ ହେବ ଏବଂ ଏହା ପରବର୍ତ୍ତୀ ତିନି ମାସ ଧରି ଚାଲିବ । ବିଜୟ ହଜାରେ ଟ୍ରଫି ସହ ଘରୋଇ ସିଜନର ଶେଷ ହେବ, ଯାହା ଫେବୃଆରୀ ୨୩ରୁ ମାର୍ଚ୍ଚ ୨୬ ତାରିଖ ମଧ୍ୟ ଆୟୋଜନ କରାଯିବ ।

ବିସିସିଆଇ ଶନିବାର ଅର୍ଥାତ୍ ଜୁଲାଇ ୩ ତାରିଖରେ ନୂଆ ସିଜନର ଘୋଷଣା କରି କହିଛି ଯେ ବୋର୍ଡକୁ ସମ୍ପୂର୍ଣ୍ଣ ବିଶ୍ୱାସ ଅଛି ଯେ ସବୁ ଟୁର୍ଣ୍ଣାମେଣ୍ଟକୁ ସଫଳତାପୂର୍ବକ ଆୟୋଜନ ହେବ, ଯେଉଁଥିରେ ସବୁ ଖେଳାଳିଙ୍କ ସ୍ୱାସ୍ଥ୍ୟ ଓ ସୁରକ୍ଷାକୁ ସବୁଠାରୁ ଅଧିକ ଗୁରୁତ୍ୱ ଦିଆଯିବ । ବୋର୍ଡ ଗତ ବର୍ଷ କରୋନାଭାଇରସ୍ କାରଣରୁ ସିଜନକୁ ଛୋଟ କରିଦେଇଥିଲା । ଏଥିରେ ମୁସ୍ତାକ ଅଲୀ ଟି-୨୦ ଟୁର୍ଣ୍ଣାମେଣ୍ଟ, ବିଜୟ ହଜାରେ ଟ୍ରଫି, ସିନିୟର ମହିଳା ଦିନିକିଆ ଟୁର୍ଣ୍ଣାମେଣ୍ଟ ଆୟୋଜନ କରାଯାଇଥିଲା ।

ବୋର୍ଡ ମୁତାବକ, ୨୦୨୧-୨୨ ସିଜରେ ସବୁ ବୟସ ବର୍ଗରେ ମୋଟ ୨୧୨୭ଟି ଘରୋଇ ମ୍ୟାଚ୍ ଖେଳାଯିବ, ଯେଉଁଥିରେ ରଣଜୀ ଟ୍ରଫି ସବୁଠାରୁ ଲମ୍ବା ହେବ । ଏହା ତିନିମାସ ଧରି ଚାଲିବ । ସେହିପରି ବିଜୟ ହଜାରେ ଟ୍ରଫି ମଧ୍ୟ ମାସେ ଧରି ଚାଲିବ । ହେଲେ ଏସବୁ ଟୁର୍ଣ୍ଣାମେଣ୍ଟ ବାୟୋ-ବବଲରେ ଖେଳାଯିବ ନା ନାହିଁ, ତାହା ବୋର୍ଡ ପକ୍ଷରୁ କୁହାଯାଇନାହିଁ ।

Leave A Reply

Your email address will not be published.