ଗୌତମ ଗମ୍ଭୀର ଫାଉଣ୍ଡେସନକୁ ୧ କୋଟି ଟଙ୍କା ଦାନ କଲେ ଅକ୍ଷୟ

0 8

ମୁମ୍ବଇ: ବଲିଉଡ଼ ଅଭିନେତା ଅକ୍ଷୟ କୁମାର କୋଭିଡ-୧୯ ଦ୍ୱାରା ପ୍ରଭାବିତ ଲୋକଙ୍କୁ ସାହାଯ୍ୟ କରିବା ପାଇଁ ଗୌତମ ଗମ୍ଭୀରଙ୍କ ଫାଉଣ୍ଡେସନ(ଜିଜିଏଫ୍‌)କୁ ୧ କୋଟି ଟଙ୍କା ଦାନ କରିଛନ୍ତି। ପୂର୍ବତନ କ୍ରିକେଟର ତଥା ରାଜନେତା ଗୌତମ ଗମ୍ଭୀର ସାମାଜିକ ଗଣମାଧ୍ୟମ ଜରିଆରେ ଏନେଇ ସୂଚନା ଦେବା ସହ ଅକ୍ଷୟଙ୍କୁ ଧନ୍ୟବାଦ ଜଣାଇଛନ୍ତି। ସାମ୍ପ୍ରତିକ ପରିସ୍ଥିତି​‌ରେ ଅକ୍ଷୟଙ୍କୁ ସେ ‘ଆଶାର କିରଣ’ ବୋଲି ଅଭିହିତ କରିଛନ୍ତି। ଅକ୍ଷୟ ମଧ୍ୟ ଗମ୍ଭୀରଙ୍କୁ ପ୍ରତିକ୍ରିୟା ଦେଇ କହିଛନ୍ତି ଯେ, ସାହାଯ୍ୟ କରିଥିବାରୁ ସେ ବହୁତ ଖୁସି ଅନୁଭବ କରୁଛନ୍ତି।

ସାମଜିକ ଗଣମାଧ୍ୟମରେ ଗମ୍ଭୀର ଲେଖିଛନ୍ତି, “ଏହି ସମୟରେ ପ୍ରତ୍ୟେକଟି ସାହାଯ୍ୟ ନିରାଶା ଭିତରେ ଆଶାର କିରଣ ସଦୃଶ। ଅଭାବୀ ଲୋକମାନଙ୍କ ପାଇଁ ଖାଦ୍ୟ, ଔଷଧ ଏବଂ ଅକ୍ସିଜେନ୍‌ ଯୋଗାଇବା ପାଇଁ ଜିଜିଏଫକୁ ୧ କୋଟି ଟଙ୍କା ଦାନ କରିଥିବାରୁ ବହୁତ ଧନ୍ୟବାଦ ଅକ୍ଷୟ କୁମାର। ଭଗବାନ ତୁମର ମଙ୍ଗଳ କରନ୍ତୁ।”

ଏହାର ଉତ୍ତରରେ ଅକ୍ଷୟ ଲେଖିଛନ୍ତି, “ଏହା ପ୍ରକୃତରେ କଠିନ ସମୟ। ଏହି ସମୟରେ ମୁଁ କିଛି ସାହାଯ୍ୟ କରିପାରିଛି ସେଥିପାଇଁ ମୁଁ ବହୁତ ଖୁସି ଅନୁଭବ କରୁଛି। ଆମେ ସମସ୍ତେ ଖୁବ୍‌ ଶୀଘ୍ର ଏହି ସଙ୍କଟରୁ ମୁକ୍ତି ପାଇବା ବୋଲି ମୋର ଆଶା। ସୁରକ୍ଷିତ ରୁହନ୍ତୁ।”

Leave A Reply

Your email address will not be published.