ରାଉରକେଲା ହୋଟେଲରେ ଦେହବେପାର ଘଟଣା ରେ ଗିରଫ ହେଲେ ଦୁଇ ଗ୍ରାହକ ସମେତ ପାଞ୍ଚ ଜଣ

0 2

ରାଉରକେଲା: ଇସ୍ପାତ ନଗରୀ ରାଉରକେଲା ରେ  ସେକ୍ସ ରାକେଟ ଠାବ ଘଟଣା ରେ ପୋଲିସ ଦୁଇ ଜଣ ଗ୍ରାହକ ଙ୍କୁ ଗିରଫ କରିଛି । ସହରର ମୁଖ୍ୟ ବଜାରରେ ଥିବା ଏକ ହୋଟେଲ ଉପରେ ଅତର୍କିତ ଚଢ଼ାଉ କରି ୫ ଜଣ ବଙ୍ଗୀୟ ଯୁବତୀଙ୍କୁ ଉଦ୍ଧାର କରିବା ସହ ୨ ଗ୍ରାହକ, ହୋଟେଲ ମାଲିକ ଓ ୨ କର୍ମଚାରୀଙ୍କୁ ଗିରଫ କରିଛି ଉଦିତନଗର ଥାନା ପୁଲିସ।

ହୋଟେଲରେ ଅନୈତିକ କାର୍ଯ୍ୟ ଚାଲୁଥିବା ସୂଚନା ପାଇ ଗତକାଲି ବିଳମ୍ବିତ ସନ୍ଧ୍ୟାରେ ପୁଲିସ ହୋଟେଲ ଉପରେ ଚଢ଼ାଉ କରିଥିଲା। ଚଢ଼ାଉ କାଳରେ ହୋଟେଲର ଦୁଇଟି କୋଠରୀରେ ଅନୈତିକ କାର୍ଯ୍ୟରେ ଲିପ୍ତ ଥିବା ସମ୍ପୃକ୍ତ ୫ ଯୁବତୀଙ୍କୁ ଉଦ୍ଧାର କରିବା ୨ ଗ୍ରାହକଙ୍କୁ ଗିରଫ କରାଯାଇଥିଲା। ସେମାନଙ୍କ ଠାରୁ ନଗଦ ଟଙ୍କା, ମୋବାଇଲ ଫୋନ ଓ ଆପତ୍ତିଜନକ ସାମଗ୍ରୀ ଜବତ କରାଯାଇଥିଲା। ଅଟକ ଥିବା ହୋଟେଲ ମାଲିକ ଓ କର୍ମଚାରୀ ଦ୍ୱୟଙ୍କୁ ପଚରାଉଚୁରା ପରେ ପୁଲିସ ଗିରଫ କରିଛି। ଏନେଇ ସବିଶେଷ ସୂଚନା ଦେଇଛନ୍ତି ରାଉରକେଲା ପୁଲିସର ବରିଷ୍ଠ ଅଧିକାରୀ।

Leave A Reply

Your email address will not be published.