ସୋସିଆଲ୍ ମିଡିଆ ରାଉଟର ର ନୂତନ ସଂସ୍କରଣ କୁ ଲୋକାର୍ପଣ ପାଇଁ ପ୍ରଧାନମନ୍ତ୍ରୀଙ୍କୁ ନିମନ୍ତ୍ରଣ କଲେ ଆୟୁଷ

0 34

ରେଢାଖୋଲ : ସମ୍ବଲପୁର ଜିଲ୍ଲା ନାକ୍ଟିଦେଉଳ ବ୍ଲକ କୁଡାନାଳୀ ଗ୍ରାମର କୁନି ୱେବଡ଼ିଜାଇନର ଦ୍ୱାରା ପ୍ରସ୍ତୁତ ସୋସିଆଲ ମିଡ଼ିଆକୁ ରାଉଟର ଏବେ ନୂତନ ଭାବେ ୧୩ ଟି ଆଂଚଳିକ ଭାଷା ର ନୂତନ ସଂସ୍କରଣ ର ଶୁଭଲୋକାର୍ପଣ ପାଇଁ ଏହାର ନିର୍ମାତା ୧୪ ବର୍ଷ ବୟସ୍କ ଆୟୁଷ ରଞ୍ଜନ ରାଉତ ଭାରତର ପ୍ରଧାନମନ୍ତ୍ରୀ  ନରେନ୍ଦ୍ର ମୋଦିଙ୍କୁ ଭରଚୁଆଲ ମାଧ୍ୟମରେ କରିବା ପାଇଁ ସମ୍ବଲପୁର ସାଂସଦ ଶ୍ରୀଯୁକ୍ତ ନୀତେଶ ଗଙ୍ଗଦେବଙ୍କ ଜରିଆରେ ନିମନ୍ତ୍ରଣ କରିଛନ୍ତି। ଏ ସମ୍ବନ୍ଧୀୟ ନିମନ୍ତ୍ରଣ ପତ୍ର ବୁଧବାର  ସମ୍ବଲପୁର ସାଂସଦ ଶ୍ରୀଯୁକ୍ତ ନୀତେଶ ଗଙ୍ଗଦେବଙ୍କୁ ତାଙ୍କ ଆବାସିକ କାର୍ଯ୍ୟାଳୟ ଠାରେ ସାକ୍ଷାତ କରି ଆୟୁଷ ପ୍ରଦାନ କରିଛନ୍ତି।

ଏଠାରେ ସୂଚନାଯୋଗ୍ୟ ଯେ, ଆୟୁଷ ମାତ୍ର ୧୩ ବର୍ଷ ବୟସରେ ୨୦୨୦ ଲକଡାଉନ ସମୟରେ ଏହି ସୋସିଆଲ ମିଡ଼ିଆ ରାଉଟର ନିର୍ମାଣ କରି ବେଶ  ହୋଇଥିଲେ। ଓଡିଶା ର ମହାମହିମ ରାଜ୍ୟପାଳ ପ୍ରଫେସର ଗଣେଶୀ ଲାଲ ତାଙ୍କୁ ରାଜଭବନ ଡକାଇ ଆଶୀର୍ବାଦ ପ୍ରଦାନ କରିଥିଲେ। ବର୍ତ୍ତମାନ ୧୩ ଭାଷାଭାଷୀ ଙ୍କ ପାଇଁ “ରାଉଟର” କୁ ନିର୍ମାଣ କରାଯାଇଛି ଓ ଏହାକୁ ମାନ୍ୟବର ପ୍ରଧାନମନ୍ତ୍ରୀ ଙ୍କ ଦ୍ୱାରା ଲୋକାର୍ପଣ କରିବା ଲକ୍ଷ୍ୟ ରହିଥିବାରୁ ସମ୍ବଲପୁର ସାଂସଦ ଙ୍କ ଜରିଆ ନିମନ୍ତ୍ରଣ ପଠାଇଲେବୋଲି ଆୟୁଷ କହିଛନ୍ତି।

ମାନ୍ୟବର ପ୍ରଧାନମନ୍ତ୍ରୀ ସମୟ ପ୍ରଦାନ କଲେ ରେଢ଼ାଖୋଲ ଠାରେ ଲୋକାର୍ପଣ ଉତ୍ସବ କରାଯିବ ବୋଲି ଆୟୁଷ ପ୍ରକାଶ କରିଛନ୍ତି ।

Leave A Reply

Your email address will not be published.