ଭୁବନେଶ୍ୱରରେ ପହଞ୍ଚିଲେ ବରିଷ୍ଠ ଅଭିନେତା ବିଜୟ ମହାନ୍ତି

0
205

ଭୁବନେଶ୍ୱର –:  ହାଇଦ୍ରାବାଦରୁ ଏକ ସ୍ୱତନ୍ତ୍ର ‌ଆମ୍ବୁଲାନ୍ସରେ ଆସି ଆଜି ସକାଳେ  ବରିଷ୍ଠ ଅଭିନେତା ବିଜୟ ମହାନ୍ତି ଭୁବନେଶ୍ୱରରେ ପହଞ୍ଚିଛନ୍ତି।

ଗତକାଲି ମଧ୍ୟାହ୍ନ ପ୍ରାୟ ୧୨ଟାରେ ହାଇଦ୍ରାବାଦରୁ ବାହାରିଥିଲେ। ଅସୁସ୍ଥତା କାରଣରୁ କିଛି ଦିନ ତଳେ ବିଜୟ ମହାନ୍ତି ହାଇଦ୍ରାବାଦର ଏକ ଘରୋଇ ହସ୍ପିଟାଲରେ ଭର୍ତ୍ତି ହୋଇଥିଲେ। ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ତାଙ୍କର ଚିକିତ୍ସା କରାଯିବ।

ସୂଚନାଯୋଗ୍ୟ, ଗୁରୁତର ଅସୁସ୍ଥ ହୋଇ ହାଇଦ୍ରାବାଦରେ ଚିକିତ୍ସିତ ହେବାର ୧୫ଦିନ ପରେ ପରିବାର ସହ ସେ ଓଡ଼ିଶାକୁ ଫେରିବେ ବୋଲି ସୂଚନା ମିଳିଥିଲା। ତେବେ ଘରକୁ ନୁହେଁ, ବରଂ ଭୁବନେଶ୍ବରରେ ଏକ ଘରୋଇ ହସ୍ପିଟାଲରେ ତାଙ୍କର ପୂର୍ବବତ ଚିକିତ୍ସା ଚାଲୁ ରହିବ।
ସୂଚନାଯୋଗ୍ୟ, ଗୁରୁତର ଅସୁସ୍ଥ ହୋଇ ହାଇଦ୍ରାବାଦରେ ଚିକିତ୍ସିତ ହେବାର ୧୫ଦିନ ପରେ ପରିବାର ସହ ସେ ଓଡ଼ିଶାକୁ ଫେରିବେ ବୋଲି ସୂଚନା ମିଳିଥିଲା। ତେବେ ଘରକୁ ନୁହେଁ, ବରଂ ଭୁବନେଶ୍ବରରେ ଏକ ଘରୋଇ ହସ୍ପିଟାଲରେ ତାଙ୍କର ପୂର୍ବବତ ଚିକିତ୍ସା ଚାଲୁ ରହିବ।
ହେଲେ ଆପଣ କ’ଣ ଜାଣନ୍ତି ଯେ ବସନ୍ତ ନାୟକଙ୍କ ‘ନାଗଫାସ’ ଚଳଚ୍ଚିତ୍ରରୁ ଆରମ୍ଭ କରି ଏଯାଏଁ ଶତାଧିକ ଓଡ଼ିଆ ସିନେମାରେ ବିଭିନ୍ନ ଭୂମିକାରେ ନଜର ଆସିଥିବା ବିଜୟ ଗତ ବର୍ଷ ବେଶ ସକ୍ରିୟ ଥିଲେ। ଏହି କାରଣରୁ ତାଙ୍କୁ ଅଧିକ ସଂଖ୍ୟକ ସିନେମାରେ ଦେଖିବାକୁ ପାଇଥିଲେ ଦର୍ଶକ।
ଗତ ବର୍ଷ ରଜରେ ରିଲିଜ୍‌ ହୋଇଥିବା ସିନେମା ‘ଗୋଲମାଲ ଲଭ’ରେ ବିଜୟ ମହାନ୍ତିଙ୍କୁ ଦେଖିବାକୁ ମିଳିଥିଲା। ଏଥିରେ ଏକ ମଜାଦାର ଚରିତ୍ରରେ ଅଭିନୟ କରିଥିଲେ ସେ। ଏହାପରେ ଗତ ରଥଯାତ୍ରାରେ ମୁକ୍ତିଲାଭ କରିଥିବା ‘ସେଲଫିସ୍‌ ଦିଲ’ରେ ବିଜୟ ମହାନ୍ତି ନଜର ଆସିଥିଲେ। ଠିକ ସେହିପରି ଗତ ବର୍ଷର ବିଜୟ ମହାନ୍ତିଙ୍କ ଅଭିନୀତ ଅନ୍ୟ ଏକ ଓଡ଼ିଆ ସିନେମା ହେଲା ‘ବୈଶାଳୀ’। ଆଶୁତୋଷଙ୍କ ନିର୍ଦେଶିତ ଏହି ଓଡ଼ିଆ ସିନେମାରେ ଅଭିଷେକ,ପ୍ରୀତ୍‌, ସୁମନପ୍ରିୟା,ବିଜୟ ମହାନ୍ତି ଓ ପୃଥ୍ଵୀରାଜ ପ୍ରମୁଖ ମୁଖ୍ୟ ଭୂମିକାରେ ଥିଲେ। ‘ବୈଶାଳୀ’ରେ ବିଜୟ ମହାନ୍ତିଙ୍କୁ ଏକ ଦମ୍‌ଦାର୍‌ ଚରିତ୍ରରେ ଦେଖିବାକୁ ମିଳିଥିଲା। ତାଙ୍କୁ ଗତ ବର୍ଷ ‘ନାୟକର ନାଆଁ ଦେବଦାସ’ରେ ବି ଦେଖିବାକୁ ମିଳିଥିଲା।

LEAVE A REPLY

Please enter your comment!
Please enter your name here