Thursday, June 30, 2022

ୟୁପି ପରେ ମଧ୍ୟପ୍ରଦେଶ ଓ ଉତ୍ତରାଖଣ୍ଡରେ ଟ୍ୟାକ୍ସ ଫ୍ରି ହେଲା ସମ୍ରାଟ ପୃଥ୍ୱୀରାଜ

ନୂଆଦିଲ୍ଲୀ: ଅକ୍ଷୟ କୁମାରଙ୍କ ବଲିଉଡ ଫିଲ୍ମ ସମ୍ରାଟ ପୃଥ୍ୱୀରାଜ ଆଜି ସମଗ୍ର ଦେଶରେ ରିଲିଜ୍‌ ହୋଇଛି। ରାଜା ପୃଥ୍ୱୀରାଜଙ୍କ ପରାକ୍ରମକୁ ଫିଲ୍ମ ମାଧ୍ୟମରେ ବେଶ ନାଟକୀୟ ଢଙ୍ଗରେ ଦେଖାଇବାକୁ ନିର୍ମାତା ଚେଷ୍ଟା କରିଛନ୍ତି। ଫିଲ୍ମରେ ସୁପରଷ୍ଟାର ଅକ୍ଷୟ କୁମାର ପୃଥ୍ୱୀରାଜଙ୍କ ଚରିତ୍ରରେ ନଜର ଆସିବେ। ଏସବୁ ଭିତରେ ଫିଲ୍ମଟିକୁ ଗୋଟିଏ ପରେ ଗୋଟିଏ ବିଜେପି ଶାସିତ ରାଜ୍ୟରେ ଟିକସ ମୁକ୍ତ କରିବା ପ୍ରକ୍ରିୟା ଆରମ୍ଭ ହୋଇଛି।

ଗୁରୁବାର ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଫିଲ୍ମର ସ୍ପେଶାଲ ସ୍କ୍ରିନିଂକୁ ଦେଖିଥିଲେ। ଏହାପରେ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ସମ୍ରାଟ ପୃଥ୍ୱୀରାଜ ଫିଲ୍ମକୁ ୟୁପିରେ ଟ୍ୟାକ୍ସ ଫ୍ରି କରାଯାଇଥିଲା। ଏବେ ଏହି ଟିକସ ଫ୍ରି ତାଲିକାରେ ମଧ୍ୟପ୍ରଦେଶ ଓ ଉତ୍ତରାଖଣ୍ଡ ଯୋଡ଼ି ହୋଇଯାଇଛନ୍ତି। ଏହି ଦୁଇ ରାଜ୍ୟରେ ଫିଲ୍ମକୁ ଟିକସ ମୁକ୍ତ କରାଯାଇଛି।

ରିଲିଜ ପୂର୍ବରୁ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହଙ୍କ ପାଇଁ ବି ଅକ୍ଷୟ କୁମାର ଫିଲ୍ମର ସ୍ପେଶାଲ ସ୍କ୍ରିନିଂ କରିଥିଲେ। ଶ୍ରୀ ଶାହ ଏହାକୁ ଦେଖି ବେଶ ପ୍ରଶଂସା କରିଛନ୍ତି। ସେହିପରି ଲକ୍ଷ୍ନୌରେ ଯୋଗୀ ଆଦିତ୍ୟନାଥ ଓ ତାଙ୍କ କ୍ୟାବିନେଟ ସଦସ୍ୟମାନେ ଫିଲ୍ମକୁ ଦେଖିଥିଲେ। ଏହି ସ୍ପେଶାଲ ସ୍କ୍ରିନିଂ କାର୍ଯ୍ୟକ୍ରମରେ ଅକ୍ଷୟ କୁମାର, ଫିଲ୍ମର ନିର୍ମାତା ଓ ହିରୋଇନ ମାନୁଷୀ ଛିଲ୍ଲର ଯୋଗଦେଇଥିଲେ। ଫିଲ୍ମ ଦେଖି ସାରିବା ପରେ ଯୋଗୀ ଆଦିତ୍ୟନାଥ ଟ୍ୱିଟ କରି ସମ୍ରାଟ ପୃଥ୍ୱୀରାଜକୁ ୟୁପିରେ ଟିକସ ମୁକ୍ତ କରାଯାଇଥିବା ଘୋଷଣା କରିଥିଲେ। ଅକ୍ଷୟ କୁମାର ଏଥିପାଇଁ ଯୋଗୀଙ୍କୁ ଧନ୍ୟବାଦ ଦେଇଛନ୍ତି।

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,371FollowersFollow
19,800SubscribersSubscribe
- Advertisement -

Latest Articles